ka$er سـاكـن مـشـهـور
التسجيل : 31/01/2010 المساهمات : 1796 الجنس : الدولة : المهنة : طالب المزاج :
| موضوع: الطرقات السبت أغسطس 21, 2010 5:37 pm | |
| السلام عليكم ورحمة الله وبركاته
كيفكم عساكم بخير وبصحة وسلامة
اولا العذر والسموحة لو طالت الغيبات لكن الأمر مو بيدي وكانت لظروف خارجه عن السيطره
بعد قطعة عن الساحه الشعرية راجع لكم بشي بإذن الله ينال على اعجابكم
قصيدة من سعد علوش بمسمى الطرقات وهي اهداء
في الكبد ليعاتها وفي النفس حاجات ×× حاجات ماهيب برغبـات وشهـوات
ندم على حزن على ماادري شسمـه ×× اللـي يكلمـك وتكلـمـه بسـكـات
ياودي اصرخ من اللي داخلي حيـل ××وياودي ماتنبس مـن الليعـه شفـات
مزحوم تفكيـر ومشـوش وبـردان ×× وياخوفي من الغضـب والانفعـالات
تعـارك الشـر مع الخيـر فيـنـي ×× يأثـر علـى اتـخـاذي للـقـرارت
ثاقب والاحظ تفاصيـل التفاصيـل ×× كن البشر عري وعيونـي مرايـات
أفضال ربي علي واجـد وأفضـل ×× أفضال ربي علي الفقر وأنكارة الذات
يامجمل الفقـر وأشيـاءه وروحـه ×× تموت منه تعـب وتعيشـه ازمـات
يعلمـك ضعفـك وبـأن عقـلـك ×× هو اللـي يميـزك عـن الحشـرات
وتعرف بأن هذا لـك وذا لغيـرك ×× ولاتفـكـر ولاتكـسـر حسـابـات
الفقـر مفيـد وأشـيـاءه مفـيـده ×× ملـيء قنـاعـه وقــوه وغـايـات
يمكن لو أن إنك غني تطغى وتنسى ×× وتطيش وتطوف الخمـس الصلـوات
لذلـك الحمـدلله والثـنـاء لــه ×× على الفقـر والمصايـب والمسـرات
يمكن اني فقير بس مانبـي تبعـي ×× أجلس ولأنقـاد خلـف الاتجاهـات
وان مااعجبتني قناعات الزمن هـذا ×× انـا أألـف لتفكـيـري قنـاعـات
شاعر ويسكن في مخي ألـف شاعـر ×× ماهم بشعـار هاالوقـت التروفـات
اللي يقولون مافـي الشعـر نـادر ×× وان الشعـراء نفـس المستـويـات
لـو انهـم واحـد وبتفكيـر واحـد ×× ماشفت ناقد ولامعجب وشمـات
الله علـى هاالكـلام ومـن يقولـه ×× الله يقطـع سيـاسـة هاالمـجـلات
يعني اللي قصيده ملى الدنيا جماهير ×× مثل اللي يطلق قصده سـردة ابيـات
لا من سمعت القصيـد قلـت هـذي ×× سمعتها قبـل هـذي عشـر مـرات
يشيل اخـر كـلام الشطـر الاول ×× ويحطه باخـر الثانـي وخـذ هـات
قاف متكـرر ولا فكـره ولاشـي ×× يبني القصيـده علـى تفكيـر بنـات
وبه نـوع سـاذج علشـان يتميـز ×× يصـرخ ويعمـل بيدينـه حركـات
والمـرء عـدو مايجهـل لـذلـك ×× هاالشعراء يكرهونـي انـا بالـذات
الله يخلينـي لشعـري وأصـونـه ×× وأحرق به كبـود شعـار المسجـات
أجذب بـه أذواق حكـام الجزيـره ×× وازرعـه فعقـول فتيـان وفتيـات
أركبـه جـن وأمارسـه بجـنـون ×× وأشبـعـه فلسـفـات وإبتـكـارات
وأعلم الجيـل هـذا واللـي بعـده ×× جودة الاطالـه وفـن الاختصـارات
ووشلون احرث صخر فكري وأخلي ×× بيني وبين اقـرب منافـس مسافـات
الشعر في نظـرة أغلبهـم مصالـح ×× فلـوس وشيـوخ وبنـات ولقـاءات
وفي نظرتـي روح وروح حـرة ×× ماتخضع لشف واشخاص وقياسـات
الشعـر ماتقشعـر لـه الابــدان ×× ومايسـرق مـن الكلمـات الكلمـات
تقـراه فعيـون شاعـر وتحـسـه ×× يفتـح لـه فجلـد يدينـك مسامـات
ردد قصيدي ياجمهـوري وصفـق ×× وعلمهـم ان الغـلا ماهو خيـارات
وتعال نسرح سوى في شي عنـدي ×× واخاف لاابكي وتبكينـي العبـارات
حزيـن جـداً ومتعـومس وخايـف ×× أحس كنـي علـى مهـوى نهايـات
حبيبتـي اللـي أغليهـا وابيـهـا ×× راحت وقالت بجي وللحيـن ماجـات
ما اذكـر انـي مـسـوي شــــي xx لكن الحب اذا زاد يسبب حزازات
والصبر صبر القلوب البيض وادري ×× يامصعب الصبر لاقد بـه محاتـات
دمرني الشوق واستنزفنـي شعـور ×× وتعبت اثبت وجودي داخـل اشتـات
تمر كـل الوجيـه بـدرب عينـي ×× نفس الملامـح ونفـس الابتسامـات
حبيبتي طاغيـه وبشكـل طاغـي ×× صديقـة الليـل واجنـاب البنايـات
من ويـن ماافتـر لاهـذا وجههـا ×× على الطرقات وأضـواء السيـارات
يابري حالي عليهـا بـري حالـي ×× عليها يابري حالـي عشـر بريـات
لأنـي أحبـهـا فـعـلاً وجــداً ×× ماهي محبـة رفـث ولا اتصـالات
احـس كنـي أبـوهـا او أخـوهـا ×× أدرى عليهـا مـن العالـم مـدارات
واللي سواتـي يحـب وخايـف الله ×× يعـرف معنـى معانـات المعانـات
الحزن في بعض الاحيان أزدواجـي ×× وجميل اذا صار من تجنيـب غلطـات
من خلا حاجة لربي عاضه خيـر ×× منهـا واحسـن دبـلات الـدبـلات
وانا مابي غيرهـا ولا التفـت لـه ×× السـيـده لا رجعـنـا للـسـيـدات
جعل امها اتوافق ان جيت اخطبهـا ×× تكفـون دعواتكـم يااهـل الدعـوات
| |
|
هايدي سـاكـن مـشـهـور
التسجيل : 23/12/2009 المساهمات : 1111 الجنس : الدولة : المهنة : طالبه المزاج :
| موضوع: رد: الطرقات الإثنين أغسطس 23, 2010 2:32 am | |
| صح لسانك كاسر وبي كلام جدا جدا جدا جميل اتمنى انك تكمل كدا تقبل مورووووري | |
|
ka$er سـاكـن مـشـهـور
التسجيل : 31/01/2010 المساهمات : 1796 الجنس : الدولة : المهنة : طالب المزاج :
| موضوع: رد: الطرقات الإثنين أغسطس 23, 2010 9:10 pm | |
| صح بدنك هايدي
والأجمل منه هيا طلتك وانارتك للموضوع
بصراحة اسعدني تواجدك
اهم شي انال على رضاكم
وراح اضل كذا بأستمرار تشجيعكم لي بإذن الله
ولو وكيف مااقبل مروورك الا اقبله وادبل القبووول
| |
|
COLD HEART مشرف الساحة الشعرية
التسجيل : 26/11/2009 المساهمات : 490 الجنس : الدولة : المهنة : estudiante المزاج :
| موضوع: رد: الطرقات الثلاثاء أغسطس 24, 2010 4:23 am | |
| صح لسانك كاسر دايم متألق بمواضيعك تشكراااتي | |
|
DaNdAnAh نائبة المراقب العام
التسجيل : 23/11/2009 المساهمات : 1342 الجنس : الدولة : المهنة : طالبه جامعيه المزاج :
| موضوع: رد: الطرقات الأربعاء أغسطس 25, 2010 8:34 pm | |
| صح لسانك كاسر قصيده حلوة ومميزة تقبل مروري | |
|
ka$er سـاكـن مـشـهـور
التسجيل : 31/01/2010 المساهمات : 1796 الجنس : الدولة : المهنة : طالب المزاج :
| موضوع: رد: الطرقات الخميس أغسطس 26, 2010 1:12 am | |
|
صح بدنك اخوي كولد التآلق لم يآتي من فراغ بل اتى بمجهوداتكم ومؤازراتكم لي وهذا فضل من الله
| |
|
ka$er سـاكـن مـشـهـور
التسجيل : 31/01/2010 المساهمات : 1796 الجنس : الدولة : المهنة : طالب المزاج :
| موضوع: رد: الطرقات الخميس أغسطس 26, 2010 1:21 am | |
| DaNdAnAh
صح بدنك الآحلى والآميز كان مرورك ولا يهونو البقية واسعدني تواجدك
| |
|