قبل المغربيه مع خاله خيريه تزهم وتنادي إنتي فين يابدريه بدريه في السطوح مع علويه يفرشوا الطراريح ويخشخشوا الناموسيه يالله يابنت إنتي وهيّا بسرعة شويه حاضر يا أمي دقايق ونخلص من القضيه واد يا أسعد فين أخوانك البقيه في الزقاق بيلعبوا عسكر وحراميه أزهم عليهم يطلعوا لا تجيهم الجنيه صلي عالنبي ياأمي دي ساعة مغربيه صدقه يا عباااااااااس أطلعوا بلا أزيّه طيب طالعين خلاص مع ستي مهديه مهديه لخيريه أولادك هدول فرفوشيه زفوني في الدرج يقولولي ياستنا ياعسليه عباس مجروح في رجلو بقزازه مرميه وصدقه ببجامه مقلمه ووصخه زي الميكانيكيه خيريه .. إيش هادا ..حسبي الله عليكم شقاويه مهديه ...لا تضربيهم عشاني وإنتي رضيه حاضر يا أمي عشانك بس المرررّه ديّه يالله قدامي إنت وهو أتروشوا من الحنفيه وإنتي يا أمي أجلسي جمب المصليه عشان إزا أدّن تصلي المغربيه وإنتو يابنات يالله تعالوا نسوي المقليه ونزبط زلطة الحُمَر والفلفليه بعد المغربيه ، يا ولد يا ساتر طريق ياخيريه أتفضل يبو اسعد مافي غير عمتك مهديه كيفك ياعمه نورتي البيت ياعوده وعنبريه تعيش ياجوز بنتي كلك ذوق ومفهوميه هيا سمّوا بالرحمن ونقنقوا من المقليه ونونو نونو لقمه هنيه تكفي ميه أسعد يوشوش أبوه يبغى هديه ماشاء الله نجح وأتخرج من الثانويه أبشر ياولدي بس تجي فلوس الإكراميه ولايهمك يبويا مافي مشكله.. حصبر شويه ياواد عباس إيشبها كدا رجلك ملويه دخلت فيها قزازه يبويا من العصريه تاني مرررّه فتح عينك لا أخرملك هيّه ولا اشوفكم تلعبوا حفايا ترى تاكلكم التكرونيه بدريه .. يبويا فين حتودينا هادي الصيفيه والله يابنتي كالعاده الطايف حي البخاريه الله يسعدك يبويا نبغى أبها البهيه يابنتي أبها بعيده مررررره وسفريه خلاص اللي تشوفو يا أغلى أب في الدنيا ديه بنت ياعلويه ناوليني الكمر حقي والسديريه أنا خارج دحين ياخيريه رايح الشاميه أودي صك الوقف حق بيت السليمانيه خلي الأولاد يسبقوني للحرم تحت المكبريه عشان نصلي العشا ونكسب الفرض سويه بعد العشا وفي السطوح عند المشربيه خيريه تفُت العيش في الحليب وبدريه مسلقحه متحنيه هاتي ياعلويه الجبنه البلدي والحلاوه الطحينيه وكمان كم بيضه نسوي شكشوكه في الصينيه لمّه حلوه وظريفه وعيله عفويه أتعشوا وعليهم بالخير يدوروا عالناموسيه عشان يصحوا بدري مع أدان الفجريه لا سهر لا كسل يومهم كله نشاط وحيويه فينك يا ايام زمان تشوفي حالنا والفوضجيه ما نعرف راصنا من رجلنا وحياتنا صارت ملوخيه
موضوع: رد: حكاوي اهل مكة الإثنين يوليو 19, 2010 7:22 pm
ههههههههههههههههههههههههههههههههههههه ليه الاحراج يسلمو يا قلبي على الكلام الحلو تبعك تقبلي مروري
باربي مشرفة مشغل الحارة
التسجيل : 19/12/2009المساهمات : 1458الجنس : الدولة : المزاج :
موضوع: رد: حكاوي اهل مكة الأربعاء يوليو 21, 2010 6:56 pm
الله يعمرك يامكه يديكي الف عافيه دندنه تقبلي مروري
ولد الحارة مشرف وكر التحشيش
التسجيل : 19/12/2009المساهمات : 890الجنس : الدولة : المهنة : طالب جامعيالمزاج :
موضوع: رد: حكاوي اهل مكة الخميس يوليو 22, 2010 3:50 pm
اااااااااااااااااااااااااااه للاسف راحت دي العادات وراحو دول الناس خلاص ماعاد في من اهل اول غير شوية تحف وكراكيب لا عادات ولا تقاليد ولا حتى اسلوب الهرج والادب والذوق واللسان الحلو كل بحححححححححححح يسلمو دندنة
