حلفت اني فلا ابخل بالهدايا يوم حبيتك
ولا اقصر معك في شي لو قصرت يالغالي
وبأعفي عنك لو تخطي وإذا جافيتني جيتك
اجيلك لأنك انت اللي من احبابي على بالي
عطيتك دمعتي وأشواق وجداني وناجيتك
وغنيتك قصيده حب في حلي وترحالي
منحتك قلب ينبض بالمشاعر قلت ذا بيتك
تعال اسكن بقلبي دام قلبي ياغلا حالي
حبيبي وانت قصه في كيان الروح خطيتك
روايه حب صعبه ما لها اول ولا
تالي
بغيت انساك لكني تعبت وما
تناسيتك
لقيتك غايتي وأحلام قلبي وأخر
أمالي
حبيبي وش بعد ينقص وأنا اللي عندك اعطيتك
ولا باقي معي غير إني اترنم
بموالي
وكانت روحي أغلى ما ملكت قمت وأهديتك
هديه حب من عاشق إلى محبوبه الغالي
