تدري وش الي صابني عقب فرقاك ؟ ***** لا نفسي ارتاح ولا الموت جاني
حاولت اكابر وترك الهم وانساك ***** لاجيت ابنساء كن قلبي نساني
اعيش حرب النفس لا مر طرياك ***** ما بين ابيك الحب ومابين جاني
المشكله اني ميتن فيك واهواك ***** طبعي كريم وفيك انته اناني
عشت العمر مابين بعدك ولقياك ***** متناقضن وياك عمري وكياني
مره اجيك بحب ومرات مبغاك ***** خايف تخون الحب منك واعاني
مرات اعيشك حلم والواقع القاك ***** في بحر حبك ضعت مالي مواني
راحت سنه وجتني سنه مدري شجاك ***** ارجا الخبر من طارشك لا لفاني
اقسم ترا اتعبت حالي بلياك ***** بعدك مصيبه من مصايب زماني
يالعنبو حيك تغربلت وياك ***** عشت العمر ما بين مجني وجاني
ارسمك انا صوره وارجع وامحاك ***** شوف التناقض بين هجر واماني
عشت الفراق ايام والموت ذكراك ***** عايش على ذكرا قصيد ومعاني
بسمتك عطرك ضحكتك في شفاياك ***** حت الرسايل والصور والاغاني
حاولت اخونك وابعد الهم وانهاك ***** نهيت عمري فيك يومه نهاني
البارحه جاني الخبر ليت ما جا ك ***** ليت المرض ماجاك ياشوق جاني
تدري وش الي موت القلب فرقاك ***** الموت كله يوم هالحب هاني [img][/img][img][/img]